يعنى ايه تخلفى بنات
..
- يعنى تأقلمى نفسك على قبول ضره معاكى فى البيت 😤,وقفالك على الواحدة و متابعه خطواتك و بتغير على جوزك😨 و بتسعى لكسب وده حتى لو وقعت بينكم 🙈
.
- يعنى تسلكى بلاعه الحوض و البانيو اسبوعيا و تفضى كيس المكنسه بسبب شعرها اللى مسيباه علينا و بيسرحوه فى اى حته 😂👱
- يعنى تفهمى ان اى قطعه ملابس بيفوت عليها اسبوعين بتبقى قديمه
- يعنى متستغربيهاش لما تتكلم برقه قدام الناس مع انها فى البيت عايشه دور وائل جمعه 😊
- يعنى متندهشيش لما تلاقيها بتعيط فجأه او تضحك من غير سبب ...اللى عليها جامد يا سعاد
- يعنى تطمنى خالص لما تلاقيها داخله معيطه من الامتحان لان ده معناه انها ناقصه نص درجه بس لكن لو سألتيها و قالت كويس و هى عوجه الشفه السفلى زغرطى لان ده معناه انها قفلت الامتحان 😀
- يعنى حسك عينك تسأليها عن عيد ميلاد صاحبتها الا لو كنتى فاضيه 3 ساعات متواصل لانها هتوصفلك شراب ابن خاله صاحبتها كان شكله ايه و هتقولك حواجب مراه ابن عم بابا صاحبتها كانت مرسومه ازاى
- يعنى اوعى تقولى على بنت جميله و الا هتلاقيها غلت فى نفسها و طلعت فيها القطط الفاطسه💣🔪 و يمكن ترتكب جريمه و بدل ما تشوفيلها عريس تدوريلها
- يعنى تلاقيها ميته طول اليوم و مش قادره تتحرك من مكانها بس صاحبتها تقول لها : تعالى نشترى👚👢👠 حاجات من المول, تلاقيهم دبت فيها الروح و بتجرى فى الشقه ولا جمال الحبشه
- يعنى لو ناويه تاخديها معاك مشوار مهم تقوليلها قبلها ب48 ساعه على الاقل علشان يادوب تلبس 💅
- يعنى تبقى مسلياكى بس فرساكى ...
البنات حلوين بس كيدهن عظيم , وعلى راي نانسي ..
اللى مخلفش بنات ,, مشبعش من الحنيه ولا داقش الحلويات ❤😂😂
