🎃🎃 عشرين كبسولة علشان تزودى شهية طفلك 🎃🎃
🌸🌸🌸🌸🌸🌸🌸🌼🌼🌼🌼🌼🌼🌼🌼🌼🌸🌸🌸🌸🌸🌸🌸
1) وجبة الافطار: لازم ماتتفوتش لانها لها علاقة بزيادة شهية الأطفال وبتزود عملية الايض.
2) شرب الماء قبل الوجبات بنصف ساعة: وكمان اول حاجة نديهاله لما يصحى من النوم حتى قبل اللبن.
3) الأكل كل ساعتين: بدل ثلاث وجبات رئيسية، حاولى تبقى وجبات صغيره
4) الوجبات الخفيفة: مهمة جدا ولازم نهتم بيها، زى الفيشار... بليلة ...كورن فليكس ...زبادى بالعسل .... زبادى بالشوفان والفواكه.
5) الفول السودانى: ده تقدرى تقولى عليه ملك المكسرات.... قدميه متحمص بديل المقرمشات والشبسيات المضرة.
6) ماتخليش طفلك يعتبر اللبن وجبة: الاطفال المعتمدة اعتماد رئيسى على اللبن للأسف بيشبع ويسد النفس فممكن نستبدل شرب اللبن بأكل الزبادى والكاسترد والجبن.
7 ) قدمى لابنك اكله المفضل: اكيد بيحب حاجات معينة، قدميها فى الاول لغاية مايتعود على الأكل.
8 ) قدمى كميات قليلة ولقيمات: ماتخضيهوش بطبق كبير.... وبالتدريجى زودى.
9) الزبادى: أوعى تنسيه .... مهم جدا بيحتوى على البروبيوتيك وبيزود المناعة.
10) تجنبى الوجبات الثقيله والطعم القوى: معظم الأطفال مش بتحب الأكل المسبك والبصل والثوم الكثير.
11) قللى المقليات والمحتوى العالى من الدهون: لأنهم بيسدوا النفس.
12) استخدمى التوابل الفاتحة للشهية: زى القرفة ...الكسبرة...الزعتر ...الشمر....
13) اللعب والمجهود الرياضى والحركى: ماتخافيش مش هيخس بالعكس المجهود ده بيزود الشهية.
14) تجنبى الجو الحار: على قدر المستطاع لانه الجو الحر بيقلل الشهية.
15) عصير الليمون المحلى: لما يعطش وعاوز يشرب ميا اديله مكانها بعض المرات ليمونادا بيحسن الهضم ويزود الشهية.
16) ماتخليش وقت الأكل ميعاد العكننة ومناقشة المشاكل.
17) زودى الاغذية الغنية بالزنك: زى نخالة القمح.......القرع العسلى .... الفول السودانى .... السبانخ .... الكاكاو ..... او طبيب الطفل يوصف بعض الادوية المحتوية على الزنك لو محتاجها.
18) لاتنسى اضافة الاغذية اللى بتزود المناعة: زى العسل الابيض ... الزنجبيل ....حبة البركة...
19) اكتبى وسجلى: الوجبات اللى ابنك حبها ....افكار للاكل ....
20) ماننساش التحلية: نهتم بتزينها بالفواكه ويبقى شكلها جذاب
_____________________________
