_ عايزه احكي قصتي لبنات كتير جدا 💟✋
_انا صفيه الجوهري ، ليسانس اداب، 35 عام.
_قصتي بدأت من سن ال 17 عام وهي كالآتي :......
_كنت بنوته سابقه سني جميله لدرجه ان كل شباب المنطقه طمعانين فيا وكمان انا وحيدة ابويا ووالدتي متوفيه، فجأه لاقيت بابا بيقولي اتقدم ليكي شاب وانا وافقت عليه، زعلت جدا وخصوصا اني وقتها كنت في تانيه ثانوي ، وصدمتي الاكبر لما شوفت العريس، هو مدرس قرأن، واكبر مني ب 12 سنه ، وكمان انا ف الوقت ده كنت مغروره جدا جدا جدا بجمالي لدرجة اني كنت بقول اني هتجوز واحد خرافي، كنت متكبره لابعد الحدود، لما شوفت عريسي ده اتصدمت، ودخلت قي حالة اكتئاب وان ازاي بابا يرميني الرميه دي والعيله كلها هاجمت بابا لان اغلبهم كانو عايزين يجوزوني أولادهم، عدت الشهور وانا في حالة تعب ، واللي إكتشفتو كمان ان بابا هو اللي خطبو ليا، وشوفت بابا كتيير بيصلي ويدعي ربنا انه يكون من نصيبي!!
_ صليت وقلت فوضت امري اليك يارب، لاني برغم غروري وتكبري ضعيفه جدا قدام بابا هو اللي ليا، قلت بااااس هتجوزو واطلع عينو واحسسو انو ولا حاجه، وارجع تاني اقول بس ازاي ده يلمسني ازاااي، مش قابله شكله، والشيطان يلعب في دماغي ويوحشه اكتر واكتر واهلي من ناحيه وصحباتي البنات من ناحيه، الا صاحبه واحده قالت ليا ربنا رزقك بكنز وانتي غافله عنه يومها طردتها من البيت وبهدلتها، عشان حسستني انه احسن مني غرور مني بقا ، المهم عدي السنه وخلصت كمان 3 ثانوي وبابا قال ياجواز بقيت اصوت زي المجنونه واقوله وتعليمي قالي هيخليكي تكملي، وانا اتوسل اليه مفيش اي استجابه ، كتبنا الكتاب وجه خطبيي قعد معايا مقالش غير جمله واحده بارك الله لنا وبارك علينا وجمع بيننا في خير وعلي خير ، بصيت له والدموع نازله من عيوني زي مايكون حنفيه واتفتحت سابني وقام دخل البلكونه وبابا دخل جرى وراه وسمعته بيقول ل بابا هي مش موافقه ليه مصر يا عمي، قاله بنتي محدش هيكرمها ويقدرها غيرك، ولما خرج من البلكونه حسيت انه كان بيعيط، وبرضو ابص ليه مش قابله شكله المهم عدي شهر واتجوزنا وروحت بيته، انا وافقه ف الاوضه اقول لو لمسني هموت نفسي وعمال الشيطان ياكل في عقلي ، وفجأه هو خبط ودخل كنت هموت من الرعب، لاقيته جايب اسدال ابيض شكله تحفه والله يابنات لو ينفع اصوره كنت صورته، وقالي اتوضي والبسيه يومها سمعت كلامه عشان كنت بخاف منه ولبست وخرجت ف الصاله لاقيته عامل مكان شبه المسجد وفارش ليا مصليه بيضا حلوه جدا وعامل اضاءه حلوه جو جميل بس برضو لسه الشيطان جوايا، المهم قال هنصلي ركعتين وبدأ الصلاه اول مره بعمري كله اسمع صوت زي صوته ده في القرءان يا الله ايه دا انا اتفتنت بصوته عارفين يعني ايه اتفتنت بصوته فسدت الصلاه 4 مرات بسبب اني بتوه من صوته بروح ف دنيا تانيه، المهم خلص الصلاه وانا قعدت وربعت رجلي وهو كان هيقوم لاقيت نفسي بمسك ف ايده تعرفو حسيت رعشه ايده انه مش مصدق اني عملت كده، راح قاعد قدامي وقالي نعم حطيت اديا الاتنين ع ايده كنت بحسه بيرتعش معرفش ليه ولقيت نفسي بقوله انت حافظ القرأن ابتسم وقالي انا مدرس قرأن والحمد لله حافظ بالقرآت العشر، قلتله بجد قالي الحمد لله، قلتله طيب قول سورة المؤمنون لاني بحبها جدا ، بدأ يقرأ وانا ابص ليه كأني اول مره اشوفه من كتر منا مركزه عنيا في عنيه وهو بيقرأ تاه هههههه وقام جري يقولي تعالي كلي عشان تدخلي تنامي هههههه ابتسمت وقتها يمكن اول مره ابتسم ف وشه من يوم ما خطبني اصلا، عارفين كان بيهرب من عنيا ع طول لدرجه اني كنت بضحك عليه هههههه، المهم عدي اسبوع كل يوم يصلي بيا أمام واحضر الاكل ولازم يأكلني بايده ولاقيته بيقولي انا هقدم ليكي تاخدي كورس انجليزي عشان تحسني اللغه ولاقيت اهتمام بمستقبلي قلتله لاء انا عايزه احفظ القرءان ، ابتسم نفس الابتسامه وقالي بجد طيب تعالي يلا نبدأ وكل مره هو يقعد يحفظني يتوه ويسبني ويقوم هههههههه
عارفين ف الفتره دي ذاد جمالي بصوره غريبه وهو كمان حسيت انه جميل جدا طول اول اسبوع ده مخرجتش من الشقه ولما جيت اخرج ببص ف المرايه خوفت فعلا اخرج كده المهم خرجت بسرعه عشان اقولو اني مكسوفه اخرج كده لاقيته قاعد في مكان الصلاه وبيضحك ومش شايفني بس اول مره اسمع صوت ضحكته لاقيته بيقول يارب هي عماله تحلو كده ليه انا بصراحه مش قادر استحمل كده وبيضحك اووي دخلت اوضتي اول مره احس حد بيكلم ربنا عني بيتمناني برضايا بيحبني وبيخاف ربنا فيا سكتت شويه وفتحت الباب ناديت عليه جالي بسرعه اول مره يدخل اوضة النوم من يوم الفرح وقت ما عطاني الاسدال لدرجة انه كان خايف يدخل، المهم شديته اني بهزر معاه وقعدته وقلت له همثل ليك حاجه عيزاها قال ماشي مسكت طرحه وعماله امثل له النقاب فين وفين لما فهم قالي عايزه نقاب قلتله ايون قالي حالا بقا يجري ف الشقه يدور ع محفظته وانا اجري معاه عاملين زي العيال. إذا عجبتكن راح كمله